Turinning «Yuventus» klubi vise-prezidenti Pavel Nedved Paulo Dibalani jamoani tark etishi haqida gapirdi.

Eslatib o‘tamiz, argentinalik futbolchi mavsum so‘ngida erkin agent sifatida «Yuventus»ni tark etadi.

«Dibalaning shartnomani uzaytirmaslik haqidagi qarori uning o‘yin sifatiga hech qanday aloqasi yo‘q. U har doim muhim rol o‘ynagan va u yangi klubida ham muhim rol o‘ynashda davom etadi. Biz uning professionallik nuqtai nazardan qanday o‘yin ko‘rsatayotganidan mamnunmiz”, — dedi chexiyalik sobiq yarim himoyachi.

Nedved, shuningdek, Dibalaning o‘rnini egallashi mumkin bo‘lgan nomzod haqidagi savolga ham javob berdi: «Bizda jarohat olgan Federiko Kyesada eng yaxshi variant bor. Keyinroq hujumimizni qanday tashkil qilish haqida o‘ylaymiz”, — dedi Nedved Sky nashriga bergan intervyusida.