«Milan» hujumchisi Rafael Leau «Bolonya»ga qarshi kechgan va 0:0 hisobida yakunlangan uchrashuv natijasi haqida fikr bildirdi.

«Menimcha, bu yomon durang bo‘ldi, chunki biz uch ochko olish va oradagi farqni ko‘paytirish uchun bor kuchimizni sarfladik. Endi biz bor e’tiborimizni keyingi o‘yinga qaratishimiz, kuchli boshlashimiz, yaxshi himoyalanishimiz va g‘alaba qozonishimiz kerak, hozir muhimi shu» - dedi Leau Sky Sport Italia nashriga.

Shuningdek, u jamoaga faqat gol urish kerakligini ta’kidladi.

«Biz shunchaki to‘pni darvozaga yo‘llashimi kerak edi va bu bizga yetarli emas edi. Biz ishlashda davom etamiz, so‘nggi o‘yinlarda yetishmayotgan narsalarni topishga harakat qilamiz va eng yaxshisiga umid qilamiz», - deya qo‘shimcha qildi u.

«Milan» so‘nggi ikki o‘yinda raqiblar darvozasi tomon 55 ta zarba yo‘llagan va faqat bitta gol urgan.