Myunxenning “Bavariya” klubi yozda erkin agentga aylanadigan “Ayaks” himoyachisi Nussair Mazrauiga shartnoma taklif qildi, deya xabar berdi jurnalist Nikolo Skira.
Manbaga ko‘ra, nemis klubi marokashlik futbolchini qo‘lga kiritish uchun kurashda "Barselona"dan oldinda bormoqda. Myunxenliklar tomonidan Mazrauiga 2026 yilga qadar mo‘ljallangan shartnoma taklif qilindi.
24 yoshli marokashlik futbolchi Amsterdam klubi tarbiyalanuvchisi hisoblanadi. Joriy mavsumda himoyachi Niderlandiya Erediviziyasida 23 o‘yinda maydonga tushib, 5 ta gol urdi va 2 ta golli uzatmani amalga oshirdi.
