Мюнхеннинг “Бавария” клуби ёзда эркин агентга айланадиган “Аякс” ҳимоячиси Нуссаир Мазрауига шартнома таклиф қилди, дея хабар берди журналист Николо Скира.
Манбага кўра, немис клуби марокашлик футболчини қўлга киритиш учун курашда "Барселона"дан олдинда бормоқда. Мюнхенликлар томонидан Мазрауига 2026 йилга қадар мўлжалланган шартнома таклиф қилинди.
24 ёшли марокашлик футболчи Амстердам клуби тарбияланувчиси ҳисобланади. Жорий мавсумда ҳимоячи Нидерландия Эредивизиясида 23 ўйинда майдонга тушиб, 5 та гол урди ва 2 та голли узатмани амалга оширди.
