90min nashri xabariga ko‘ra, «Manchester Siti» yarim himoyachi Fil Foden bilan shartnomani uzaytirish bo‘yicha muzokaralar olib bormoqda.

Manbaga ko‘ra, «shaharliklar» muzokaralarning yakuniy bosqichida va 2021/22 yilgi mavsum oxiriga qadar yangi shartnoma imzolamoqchi. Tomonlar yangi kelishuv shartlarini kelishib olishlari qoldi.

Foden — «Manchester Siti» tarbiyalanuvchisi. Futbolchi 2021/22 yilgi mavsumda jamoasi safida 35 ta o‘yinda maydonga tushib, 11 ta gol va 9 ta golli uzatmani amalga oshirdi. Futbolchining shartnomasi 2024 yilning iyun oyi oxirigacha amal qiladi.

Oldinroq «Manchester Siti» 21 yoshli angliyalik futbolchiga haftasiga 150 ming funt maosh bilan 2027 yilgacha shartnoma taklif qilayotgani xabar qilingandi.