90min нашри хабарига кўра, «Манчестер Сити» ярим ҳимоячи Фил Фоден билан шартномани узайтириш бўйича музокаралар олиб бормоқда.
Манбага кўра, «шаҳарликлар» музокараларнинг якуний босқичида ва 2021/22 йилги мавсум охирига қадар янги шартнома имзоламоқчи. Томонлар янги келишув шартларини келишиб олишлари қолди.
Фоден — «Манчестер Сити» тарбияланувчиси. Футболчи 2021/22 йилги мавсумда жамоаси сафида 35 та ўйинда майдонга тушиб, 11 та гол ва 9 та голли узатмани амалга оширди. Футболчининг шартномаси 2024 йилнинг июнь ойи охиригача амал қилади.
Олдинроқ «Манчестер Сити» 21 ёшли англиялик футболчига ҳафтасига 150 минг фунт маош билан 2027 йилгача шартнома таклиф қилаётгани хабар қилинганди.
