«Liverpul» hujumchisi Sadio Mane jamoaning YECHL chorak finali doirasidagi «Benfika»ga qarshi o‘yindagi g‘alabani (3:1) yuqori baholadi.
«Muhim haftaning yaxshi boshlanishi. Endi keyingi o‘yinga tayyorgarlik ko‘rishimiz kerak. «Liverpul»da kuchli tarkib bor. Ba’zida biz butun jamoaga foyda keltiradigan o‘zgarishlar qilamiz.
Mening maqsadim? Men har doim jamoaning g‘alabasi men uchun muhimroq ekanini aytganman, ammo jamoa uchta gol ura olganidan xursandman. Biz javob o‘yiniga tayyormiz», - deya Manening so‘zlarini keltiradi Mirror.
Jamoalarning javob o‘yini 13 aprel kuni Liverpuldagi «Enfild» stadionida bo‘lib o‘tadi.
