«Manchester Yunayted» Erik ten Xagning bosh murabbiylik lavozimiga mos kelishiga shubha bilan qaramoqda, deb xabar bermoqda The Independent.
Manbaga ko‘ra, «Ayaks» ustozi ingliz klubi rahbariyatini ishontira olmagan. Ten Xag jamoada o‘zgartiradigan birinchi element sifatida jismoniy tayyorgarlikni keltirgan.
52 yoshli mutaxassis «Manchester Yunayted» bosh murabbiyligi uchun kurashda favorit sanaladi. Biroq, mahalliy OAV ten Xag rahbariyatni ishontira olmaganini yozdi.
Ma’lumot o‘rnida, «Manchester Yunayted» bosh murabbiyi lavozimiga Maurisio Pochettino va Tomas Tuxel ham ko‘rib chiqilmoqda. Jamoa 51 ochko bilan APL turnir jadvalida 7-o‘rinda bormoqda.
