O‘zbekiston kubogi 1-turi doirasidagi «Dinamo» - «Neftchi» (0:2) o‘yinidan keyin samarqandliklar bosh murabbiyi Predrag Rogan matbuot anjumanida fikrlarini bildirdi.
- Avvalambor, «Neftchi»ni g‘alaba bilan tabriklayman. Biz g‘alaba uchun hech narsa qila olmadik. Futbolda g‘olib bo‘lish uchun maydonda raqibdan ustunligingni isbotlashing kerak. Bugungi o‘yinimiz uchun muxlislar oldida uyatdamiz. Biz hali juda ko‘p ishlashimiz shart.
O‘yin boshlanganidan keyin ilk soniyalardayoq gol o‘tkazib yuborganimiz ham ta’sir qildi. Jamoa tarkibi asosan yoshlardan iborat, bunday pallada tezkor gol ularning ruhiy holatiga ta’sir etmay qo‘ymaydi. Bu borada ham ish olib borishimiz kerak. Bu bahona sifatida ko‘rinishi mumkin, ammo tarkibimiz yangi, jamoa yangi, ularning maydonda yaxshiroq til topishishlari uchun vaqt talab etiladi. Umuman olganda, bugun qilishimiz bo‘lgan ishlarni bajara olmadik. Buning uchun muxlislardan uzr so‘rayman. Ertaga yangi kun, bu bahsni unutib, bor e’tiborimizni keyingi o‘yinlarga tayyorgarlikka qaratamiz, - dedi Predrag Rogan.
