Italiyalik murabbiy "Real"ni yana ajoyib jamoaga aylantirdi.

"Oltin to‘p" Karim Benzemadan boshqa futbolchiga nasib qilmaydiganda o‘xshaydi. Ayniqsa, mukofot tashkilotchilari yaqinda qoidalarni o‘zgartirgandan so‘ng va endi u kalendar yiliga emas, balki mavsum natijalariga ko‘ra beriladi. Chempionlar ligasining pley-off bosqichidagi ketma-ket ikkita o‘yinda kuchli raqiblarga qarshi o‘yinda xet-trik qayd etish ajoyib.

"Real Madrid"ning "Stemford Bridj"dagi g‘alabasining yana bir me’mori Karlo Anchelotti. 62 yoshli italiyalik murabbiyning faoliyati biroz muddat pasayib ketgandek tuyuldi. "Bavariya"dagi muvaffaqiyasiz mavsum, keyin "Napoli" jamoasi va prezident Aurelio de Laurentis o‘rtasidagi mojaro qurboni bo‘lgan "Everton"dagi faoliyatini ham yaxshi bo‘lgan deb bo‘lmaydi. Keyin faoliayatini to‘xtatish, nazariy jihatdan to‘g‘ri bo‘lishi mumkin edi. Biroq buning o‘rniga "Real Madrid"ga ikkinchi marta keldi. Yana Florentino Peres umidsizlikdan Anchelottiga qo‘ng‘iroq qildi degan tuyg‘u paydo bo‘ldi.

Hamma "Real Madrid" endi kiyinish xonasida albatta xotirjam bo‘lishini kutgandi - Anchelotti jamoada muhit yaratish va hatto yulduz futbolchilar bilan ham umumiy til topishning o‘ziga xos qobiliyatiga.

“U noyob shaxs. Va uning professional fazilatlari haqida umuman gapirishning hojati yo‘q. Karlo eng yuqori darajadagi mutaxassis. Bir tomondan, u jamoa uchun avtoritet bo‘lsa, ikkinchi tomondan, u o‘zining kamtarligi bilan o‘ziga jalb qiladi", - degan edi Krishtianu Ronaldu.

Natijalar borasida ham hammasi joyida – “Real Madrid” Ispaniyada chempionlik sari dadil harakat qilmoqda va Chempionlar ligasi yarim finaliga juda yaqin turibdi. Bu yerda Anchelottining alohida xizmatlari yo‘q, deyish mumkin. La Ligada "Barselona" va "Atletiko"ning kuz-qishdagi muvaffaqiyasizliklari, Yevropada esa - 180 daqiqaning 150 daqiqasida ustunlik qilgan "PSJ"ning xatolari jamoaga yordam berdi, degan qarashlar ham. Umuman olganda, hamma narsani Benzema hal qiladi va italiyalik shunday mehribonki, u buyuk ustalarning o‘ynashiga xalaqit bermaydi. U taktika asosida o‘ynashga harakat qilganda esa, xuddi yaqinda bo‘lib o‘tgan “klasiko”dagidek, omadsizlikka uchraydi.

Anchelotti Serxio Ramos va Rafael Varan ketganidan keyin himoya markazini tiklashi kerak edi - u buni uddaladi. Ferland Mendi chap qanotga javobgar bo‘lganidan so‘ng, hech kim Marseloni eslamay qo‘ydi. Luka Modrich yana bir kuchli mavsumni o‘tkazmoqda va "PSJ"ga qarshi javob o‘yinining ikkinchi yarmi Benzemanikidan kam emasdi.

Vinisiusning taraqqiyoti davom etmoqda va uning Benzema bilan aloqasi yuqori. Va nihoyat, fransuz markaziy hujumchisining fantastik o‘yini, uning o‘zi "Chelsi" bilan o‘yindan keyin jamoadagi to‘g‘ri muhitni izohladi: "Men ishonchni his qilaman va jamoaga yordam berish uchun o‘ynayman. Anchelotti? Murabbiyimiz dunyodagi eng yaxshilaridan biri, biz unga juda ishonamiz”.