«Bavariya» rahbariyati agenti Mino Rayola bilan uchrashuv o‘tkazdi. Muzokaralar Monakoda bo‘lib o‘tdi, deya xabar beradi insayder Fabrisio Romano.
Unda «Ayaks»ning ikki futbolchisi - Rayan Gravenberx va Nussair Mazrauining ehtimoliy transferlari muhokama qilindi. Qayd etilishicha, tomonlar kelishuvga yaqin.
19 yoshli Gravenberx joriy mavsumda «Ayaks» safida barcha turnirlarda 38 ta o‘yinda maydonga tushib, 2 ta gol va 6 ta golli uzatmani amalga oshirdi. Yarim himoyachining klubi shartnomasi 2023 yilning 30 iyuniga qadar mo‘ljallangan.
24 yoshli Mazraui Gollandiya klubi safida 32 ta o‘yinda maydonga tushib, 5 ta gol va 2 ta golli uzatmani amalga oshirgan. Himoyachining «Ayaks» bilan shartnomasi 2022 yilning yozida yakuniga etadi.