«Бавария» раҳбарияти агенти Мино Райола билан учрашув ўтказди. Музокаралар Монакода бўлиб ўтди, дея хабар беради инсайдер Фабрицио Романо.

Унда «Аякс»нинг икки футболчиси - Райан Гравенберх ва Нуссаир Мазрауининг эҳтимолий трансферлари муҳокама қилинди. Қайд этилишича, томонлар келишувга яқин.

19 ёшли Гравенберх жорий мавсумда «Аякс» сафида барча турнирларда 38 та ўйинда майдонга тушиб, 2 та гол ва 6 та голли узатмани амалга оширди. Ярим ҳимоячининг клуби шартномаси 2023 йилнинг 30 июнига қадар мўлжалланган.

24 ёшли Мазрауи Голландия клуби сафида 32 та ўйинда майдонга тушиб, 5 та гол ва 2 та голли узатмани амалга оширган. Ҳимоячининг «Аякс» билан шартномаси 2022 йилнинг ёзида якунига этади.