"Barselona" himoyachisi Ronald Arauxo "Atletiko" hujumchisi Luis Suaresning maslahatidan so‘ng kataloniyaliklar bilan shartnomasini uzaytirishga qaror qildi. Bu haqda Sport.es xabar berdi.
Manbaga ko‘ra, "ko‘k-anorranglilar" ustozi Xavi Arauxoni jamoaning muhim o‘yinchisi ekanligiga ishontira olgan.
Bundan tashqari, urugvaylik futbolchining qaroriga "Barselona"ning sobiq hujumchisi Luis Suares ham kuchli ta’sir ko‘rsatgan. U Ronaldga klubda qolishni maslahat bergan.
Avvalroq, Angliyaning uchta jamoasi Arauxoni qo‘lga kiritish istagini bildirgan edi.













