"Барселона" ҳимоячиси Роналд Араухо "Атлетико" ҳужумчиси Луис Суареснинг маслаҳатидан сўнг каталонияликлар билан шартномасини узайтиришга қарор қилди. Бу ҳақда Sport.es хабар берди.
Манбага кўра, "кўк-анорранглилар" устози Хави Араухони жамоанинг муҳим ўйинчиси эканлигига ишонтира олган.
Бундан ташқари, уругвайлик футболчининг қарорига "Барселона"нинг собиқ ҳужумчиси Луис Суарес ҳам кучли таъсир кўрсатган. У Роналдга клубда қолишни маслаҳат берган.
Аввалроқ, Англиянинг учта жамоаси Араухони қўлга киритиш истагини билдирган эди.