Fichajes nashri xabariga ko‘ra, «Tottenxem» yozgi transfer oynasida «Inter» himoyachisi Stefan de Vreyni qo‘lga kiritish uchun «Bavariya» klubi bilan raqobatlashadi.
Futbolchi 2018 yilda «Lasio»dan «Inter»ga tekinga ko‘chib o‘tgan edi. U Milan klubi safida 155 ta o‘yinda maydonga tushib, 8 ta gol urdi va 6 ta golli uzatmani amalga oshirdi. U o‘tgan mavsum «Inter»ning A Seriyadagi chempionligida muhim rol o‘ynadi va joriy mavsumda chempionlikni himoya qilishda muhim futbolchi hisoblanmoqda.
Ma’lumotlarga ko‘ra, «Tottenxem» shu yilning yozida himoya chizig‘ini kuchaytirmoqchi va De Vreyni bu rolga nomzodlardan biri sifatida ko‘rmoqda. Futbolchining «Inter» bilan shartnomasi bir yildan keyin tugaydi. Biroq futbolchiga «Bavariya» ham jiddiy qiziqish bildirayotgani haqida ma’lumotlar bor.
