Fichajes нашри хабарига кўра, «Тоттенхэм» ёзги трансфер ойнасида «Интер» ҳимоячиси Стефан де Врейни қўлга киритиш учун «Бавария» клуби билан рақобатлашади.

Футболчи 2018 йилда «Лацио»дан «Интер»га текинга кўчиб ўтган эди. У Милан клуби сафида 155 та ўйинда майдонга тушиб, 8 та гол урди ва 6 та голли узатмани амалга оширди. У ўтган мавсум «Интер»нинг А Сериядаги чемпионлигида муҳим роль ўйнади ва жорий мавсумда чемпионликни ҳимоя қилишда муҳим футболчи ҳисобланмоқда.

Маълумотларга кўра, «Тоттенхэм» шу йилнинг ёзида ҳимоя чизиғини кучайтирмоқчи ва Де Врейни бу ролга номзодлардан бири сифатида кўрмоқда. Футболчининг «Интер» билан шартномаси бир йилдан кейин тугайди. Бироқ футболчига «Бавария» ҳам жиддий қизиқиш билдираётгани ҳақида маълумотлар бор.