«Benfika» hujumchisi Darvin Nunyes faoliyatini Angliyada davom ettirishi mumkin, deb xabar beradi Express.

Manbaga ko‘ra, 22 yoshli urugvaylik futbolchiga «Arsenal», «Manchester Yunayted» va «Tottenxem» klublari da’vogarlik qilmoqda. Shu bilan birga, Portugaliya klubi futbolchini 80 million yevrodan kam bo‘lmagan evaziga sotishga tayyorligini bildirgan.

Nunyes joriy mavsum Portugaliya chempionatida 35 ta o‘yin o‘tkazib, 28 ta gol va 3 ta golga assistentlik qildi. Transfermarkt portali futbolchining narxini 40 million yevroga baholamoqda.