«Milan» yozgi mavsumda Lissabonning «Benfika» klubi markaziy yarim himoyachisi Yulian Vayglni o‘z safiga qo‘shib olmoqchi. Calciomercato nashri xabariga ko‘ra, nemis futbolchisi «rossonerilar»ning yarim himoya chizig‘ini kuchaytirish uchun ustuvor variantlaridan biri hisoblanadi.

Vaygl joriy mavsumda «Benfika» bilan Chempionlar ligasining chorak finaliga qadar yetib bordi, uning jamoasi «Estadio da Luz» stadionida bo‘lib o‘tgan ilk uchrashuvda Angliya «Liverpul» klubiga 1:3 hisobida mag‘lub bo‘ldi.

Eslatib o‘tamiz, Vaygl avvalroq Dortmundning «Borussiya» jamoasida o‘ynagan. O‘tgan mavsumda yarim himoyachi xizmatlariga «Chelsi» ham qiziqish bildirayotgani haqida xabarlar tarqalgan edi.