«Bavariya» bosh murabbiyi Yulian Nagelsmann «Ayaks» futbolchilari - Rayan Gravenberx va Nussair Mazrauilarning ehtimoliy transferlari haqida fikr bildirdi.
"Agar bu transferlar amalga oshsa xursand bo‘laman. Men mish-mishlarga izoh bermayman. Vaqti kelganda e’lon qilamiz. Ikkala futbolchi ham yaxshi, lekin keling, kutamiz va keyin nima bo‘lishini ko‘ramiz», - dedi Nagelsman Bayern&Germany nashriga bergan intervyusida.
Gravenberx joriy mavsumda «Ayaks» tarkibida 38 ta o‘yinda maydonga tushib, 2 ta gol urdi va 6 ta golli uzatmani amalga oshirdi. 19 yoshli yarim himoyachining shartnomasi 2023 yilning iyunigacha mo‘ljallangan. Yarim himoyachi 35 million yevroga baholanmoqda.
Mazraui esa joriy mavsumda 32 ta o‘yinda maydonga tushib, 5 ta gol urdi va 4 ta golli uzatmani amalga oshirdi. 24 yoshli marokashlik futbolchining amsterdamliklar bilan shartnomasi 2022 yilning iyunida yakuniga etadi.
