«Бавария» бош мураббийи Юлиан Нагельсманн «Аякс» футболчилари - Райан Гравенберх ва Нуссаир Мазрауиларнинг эҳтимолий трансферлари ҳақида фикр билдирди.
"Агар бу трансферлар амалга ошса хурсанд бўламан. Мен миш-мишларга изоҳ бермайман. Вақти келганда эълон қиламиз. Иккала футболчи ҳам яхши, лекин келинг, кутамиз ва кейин нима бўлишини кўрамиз», - деди Нагельсман Bayern&Germany нашрига берган интервьюсида.
Гравенберх жорий мавсумда «Аякс» таркибида 38 та ўйинда майдонга тушиб, 2 та гол урди ва 6 та голли узатмани амалга оширди. 19 ёшли ярим ҳимоячининг шартномаси 2023 йилнинг июнигача мўлжалланган. Ярим ҳимоячи 35 миллион еврога баҳоланмоқда.
Мазрауи эса жорий мавсумда 32 та ўйинда майдонга тушиб, 5 та гол урди ва 4 та голли узатмани амалга оширди. 24 ёшли марокашлик футболчининг амстердамликлар билан шартномаси 2022 йилнинг июнида якунига этади.