Emre Jan Dortmundning «Borussiya» klubi yozda undan qutulishni rejalashtirayotgani haqidagi xabarlarni rad etdi.

Nemis matbuotida yozilishicha, «Borusiya» rahbariyati Janning o‘yinidan va uning maydondagi doimiy xatolaridan norozi, shu bois transfer oynasi ochilgandan keyin uni boshqa klubga sotishadi.

«Borussiya meni sotmoqchi bo‘lganini o‘qidim, ammo bu soxta xabardek tuyuldi. Bu mavsumda men faqat bitta xatoga yo‘l qo‘ydim va men doim 90 daqiqa o‘ynayman», - dedi 28 yoshli futbolchi.

Emre Jan joriy mavsum Dortmundning «Borussiya» klubi safida 28 ta o‘yinda maydonga tushdi. Uning hisobida 3 ta gol va 1 ta golli uzatma bor.