Эмре Жан Дортмунднинг «Боруссия» клуби ёзда ундан қутулишни режалаштираётгани ҳақидаги хабарларни рад этди.

Немис матбуотида ёзилишича, «Борусия» раҳбарияти Жаннинг ўйинидан ва унинг майдондаги доимий хатоларидан норози, шу боис трансфер ойнаси очилгандан кейин уни бошқа клубга сотишади.

«Боруссия мени сотмоқчи бўлганини ўқидим, аммо бу сохта хабардек туюлди. Бу мавсумда мен фақат битта хатога йўл қўйдим ва мен доим 90 дақиқа ўйнайман», - деди 28 ёшли футболчи.

Эмре Жан жорий мавсум Дортмунднинг «Боруссия» клуби сафида 28 та ўйинда майдонга тушди. Унинг ҳисобида 3 та гол ва 1 та голли узатма бор.