Amsterdamning «Ayaks» klubi ingliz OAVlariga Gollandiya klubini boshqarayotgan Erik ten Xagning o‘yindan keyingi matbuot anjumanlarida qatnashishni taqiqladi. Shu tariqa rahbariyat klubning joriy ishlariga mutaxassisning maksimal konsentrasiyasiga erishmoqchi.
«Ayaks» Gollandiya chempionatida g‘alaba uchun kurashni davom ettirmoqda. Jamoa bugun Rotterdamning «Sparta» jamoasi bilan o‘ynaydi. Amsterdamliklar g‘alaba qozongan taqdirda milliy chempionatda peshqadamlikni mustahkamlaydi.
Ten Xag «Manchester Yunayted» bosh murabbiyi lavozimiga asosiy nomzodlardan biri hisoblanadi. Mutaxassis joriy mavsumdan keyin mankunianliklar bilan shartnoma imzolashi kutilmoqda.
