Afsonaviy shved futbolchisi Zlatan Ibrahimovich braziliyalik Gilbert Bernsga qarshi jang oldidan hamyurti, UFC sportchisi Hamzat Chimayevni qo‘llab-quvvatladi.

Eslatib o‘tamiz, yarim o‘rta vazn toifasidagi jang 10 aprelga o‘tar kechasi Jeksonvillda (AQSH) UFC 273  turniri doirasida bo‘lib o‘tadi.

Ibragimovich Chimayevni xavfli o‘rmon hayvoniga qiyoslagan. «Yo‘lbars va sher kuchliroq bo‘lishi mumkin, ammo bo‘ri sirkda qatnashmaydi. Oldinga, Hamzat», — deb yozdi Zlatan ijtimoiy tarmoqlarda.

27 yoshli Hamzat Chimayev aralash yakkakurashlarda 10 ta jang o‘tkazib, 10 tasida g‘alaba qozongan.