Chempionshipning “Haddersfild” klubida ijara asosida o‘ynayotgan “Chelsi” himoyachisi Levi Kolvill ko‘plab Yevropa klublarining nishoniga aylangan. Italiyalik jurnalist Fabrisio Romano o‘zining ijtimoiy tarmoqlarida “ko‘klar”ga kelasi yozda yosh angliyalikning transferi bo‘yicha bir nechta takliflar tushishi haqida xabar berdi.
Qayd etilishicha, Kolvill xizmatlariga asosan premyer-liga klublari qiziqish bildirmoqda. Jamoa nomi hali e’lon qilinmagan. Kolvillning Londonning “Chelsi” klubi bilan shartnomasi 2025 yilning yoziga qadar tuzilgan.
Avvalroq, "Chelsi" bosh murabbiyi Tomas Tuxel futbolchini keyingi mavsumda asosiy tarkibda saqlab qolishi mumkinligi haqida xabarlar tarqalgan edi.
