Чемпионшипнинг “Ҳаддерсфилд” клубида ижара асосида ўйнаётган “Челси” ҳимоячиси Леви Колвилл кўплаб Европа клубларининг нишонига айланган. Италиялик журналист Фабрицио Романо ўзининг ижтимоий тармоқларида “кўклар”га келаси ёзда ёш англияликнинг трансфери бўйича бир нечта таклифлар тушиши ҳақида хабар берди.
Қайд этилишича, Колвилл хизматларига асосан премьер-лига клублари қизиқиш билдирмоқда. Жамоа номи ҳали эълон қилинмаган. Колвиллнинг Лондоннинг “Челси” клуби билан шартномаси 2025 йилнинг ёзига қадар тузилган.
Аввалроқ, "Челси" бош мураббийи Томас Тухель футболчини кейинги мавсумда асосий таркибда сақлаб қолиши мумкинлиги ҳақида хабарлар тарқалган эди.
