Italiyaning «Torino» klubi bosh murabbiyi Ivan Yurich «Milan»ga qarshi o‘yin arafasida o‘z jamoasining yevrokuboklar zonasida mavsumni yakunlash imkoniyatlari haqida fikr bildirdi.

«Bu mavsumda biz yevrokuboklarda ishtirok etishimiz mumkinligiga ishongan edim, ammo hammasi bizga qarshi chiqmoqda.

«Sassuolo», «Udineze», «Venesiya» va «Inter» bilan o‘yinlar bunga yaqqol misol bo‘la oladi. Bizda «Fiorentina», «Sassuolo» va hattoki «Verona»ga o‘xshab ketadigan sifatlar yo‘q, shu bois o‘yinlarda g‘alaba qozonishimiz qiyin bo‘lib bormoqda», — deydi Yurik matbuot anjumanida.

Ayni damda «Torino» turnir jadvalida 12-o‘rinda bormoqda va yevrokuboklar zonasidan 14 ochko ortda qolmoqda.