Serxio Aguero «Manchester Siti» - «Liverpul» uchrashuvdagi fikrlari bilan o‘rtoqlashdi.

Yakshanba kuni bo‘lib o‘tadigan «Siti» va «Liverpul» o‘yini liga uchun muhim ahamiyat kasb etadi, ammo hali hech narsa hal qilinmagan.

Ikkala jamoa ham juda barqaror va o‘tgan haftada «Uotford» va «Byornli» ustidan g‘alaba qozonishgan.

«Menimcha, «Siti»da ustunlik bor, chunki ular o‘z uylarida o‘ynashadi. «Liverpul» haqiqatan ham g‘alaba qozonishi kerak, shuning uchun ular bosim ostida bo‘ladi.

Natijani oldindan aytish qiyin va chempionlik uchun kurash hali ham davom etmoqda. Bu o‘yinlar odatda chempionlik masalasini hal etadi. «Siti»da Foden va De Bryuyne yana yaxshi o‘ynashiga umid qilaman», — deydi Aguero.