«PSJ» «Manchester Yunayted» yarim himoyachisi Pol Pogbaga taklif bilan chiqdi, deb xabar beradi RMC Sport.
29 yoshli yarim himoyachi fransuz klubiga o‘tishga qiziqmoqda. Ammo futbolchining potensial transferiga asosiy turtki bo‘lgan sport direktori Leonardo o‘z lavozimini tark etishi mumkinligi Pogbani o‘ylantirmoqda.
Joriy mavsumda Pogba «Manchester Yunayted» safida 24 ta o‘yinda maydonga tushib, 1 ta gol va 9 ta golli uzatmani amalga oshirdi. Uning klub bilan shartnomasi 2022 yilning 30 iyuniga qadar mo‘ljallangan.
Transfermarkt fransuz futbolchisining bozor qiymatini 55 million yevroga baholagan.
