«ПСЖ» «Манчестер Юнайтед» ярим ҳимоячиси Поль Погбага таклиф билан чиқди, деб хабар беради RMC Sport.
29 ёшли ярим ҳимоячи француз клубига ўтишга қизиқмоқда. Аммо футболчининг потенциал трансферига асосий туртки бўлган спорт директори Леонардо ўз лавозимини тарк этиши мумкинлиги Погбани ўйлантирмоқда.
Жорий мавсумда Погба «Манчестер Юнайтед» сафида 24 та ўйинда майдонга тушиб, 1 та гол ва 9 та голли узатмани амалга оширди. Унинг клуб билан шартномаси 2022 йилнинг 30 июнига қадар мўлжалланган.
Трансфермаркт француз футболчисининг бозор қийматини 55 миллион еврога баҳолаган.
