«Tottenxem» bosh murabbiyi Antonio Konte o‘z klubi rahbariyatidan jamoada Turinning «Yuventus» klubidan ijara asosida to‘p surayotgan hujumchi Deyan Kulushevskini imkon qadar tezroq sotib olishni so‘ramoqda.

Shvesiyalik birinchi o‘yinlardanoq Konteni tom ma’noda hayratda qoldira oldi, shuning uchun murabbiy rahbariyatni yaqin kelajakda 38 million yevro miqdoridagi summaga uni sotib olish variantidan foydalanishni va futbolchini doimiy ravishda saqlab qolishni talab qilmoqda.

Eslatib o‘tamiz, Kulushevskining «Tottenxem»dagi hozirgi ijarasi bir yarim mavsumga mo‘ljallangan. Shvesiyalik bilan birga «Yuventus»ning yana bir futbolchisi Rodrigo Bentankur «shporlar» safiga kelib qo‘shilgan edi.