«Real Madrid» yarim himoyachisi Kazemiro «qaymoqranglilar» muxlislarini Garet Beylga nisbatan salbiy munosabatda bo‘lganligi uchun tanqid qildi. Uelslik futbolchi La Liganing 31-turidan o‘rin olgan «Xetafe»ga qarshi o‘yinda (2:0) maydonga tushdi, biroq muxlislar uni hushtakboo‘lar bilan qarshi oldi.
«Muxlislar bitta o‘yinchiga hushtak chalishsa, bu butun jamoaga ta’sir qiladi. Albatta, bu holat menga yoqmaydi. Muxlislar Garetni qo‘llab-quvvatlashlari kerak. Biz bu xatti-harakatdan xafamiz. U klub uchun muhim futbolchi. Beyl jamoaga katta ta’sir ko‘rsatdi. Bugun biz birga oxirigacha borishimiz kerak. Jamoa muxlislarning qo‘llab-quvvatlashiga umid qilmoqda», - dedi Kazemiro.
