«PSJ»ning sobiq yarim himoyachisi Jerom Roten parijliklar hujumchisi Kilian Mbappeni dunyoning eng yaxshi futbolchisi deb atadi. Uning fikriga ko‘ra, 23 yoshli fransiyalik futbolchi maydonda mutlaqo hamma narsani qilishga qodir.
«Buyuk o‘yinchilarni boshqalardan nimasi ajratib turadi? Ular jamoaga qolganlardan ko‘ra ko‘proq yordam beradi. Bu borada Kilian jadal rivojlanmoqda. Benzema kabi, u ham maydonda mutlaqo hamma narsani qanday qilishni biladi. Ko‘rinib turibdiki, Mbappe maydonda sheriklariga uzatma berganidan zavqlanadi.
U baxtli va har kuni dunyoning eng yaxshi futbolchisiga aylantiradigan qobiliyatlarni rivojlantiradi. Mbappe o‘yinining yana qaysi jihatini yaxshilashi mumkinligini bilmayman», - deya Rotenning so‘zlarini keltiradi Le Parisien.
Mbappe joriy mavsumda «PSJ» safida 39 ta o‘yinda maydonga tushib, 31 ta gol va 22 ta golli uzatmani amalga oshirdi.
