Ivan Bionchik Belorussiyaning «Shaxtyor» (Soligorsk) bosh murabbiyi lavozimini tark etadi.

Bionchik bilan birga uning yordamchilari Igor Kunash va Anton Amelchenkolar ham «Shaxtyor»ni tark etishadi. Bu haqda football.by sayti xabar bermoqda.

Yaqin kunlarda shartnomani bekor qilish rasmiylashtiriladi. 2021 yilning dekabr oyida Bionchik "Gomel" jamoasini tark etgach, "Shaxtyor" bilan uch yillik shartnoma imzolagandi.

Joriy chempionatning uchinchi turidan so‘ng «Shaxtyor» hisobida besh ochko bor va turnir jadvalida oltinchi o‘rinda bormoqda.