Fransiyaning "PSJ" klubi hujumkor yarim himoyachi Xavi Simons bilan xayrlashmoqchi emas.
Niderlandiya o‘smirlar terma jamoasi futbolchisining parijliklar bilan shartnomasi bir necha oydan keyin yakuniga yetadi.
Le Parisien nashrining xabariga ko‘ra, "PSJ" mutasaddilari o‘z yosh toifasidagi dunyoning eng istiqbolli o‘yinchilaridan biri bilan shartnomani uzaytirishdan umidvor. Ammo futbolchi o‘ziga asosiy tarkibda taqdim etilgan o‘yin vaqtidan unchalik mamnun emas.
Vaziyatni «Barselona» kuzatib bormoqda. "Ko‘k-anorranglilar" Parijga ketganidan uch yil o‘tib, o‘z akademiyasi tarbiyalanuvchisini ortga qaytarishga umid qilmoqda.
Joriy mavsumda Xavi Simons Fransiya chempionatining 4ta o‘yinida ishtirok etdi, shuningdek, Fransiya kubogi bahslarida uch marta maydonga tushdi.
