Франциянинг "ПСЖ" клуби ҳужумкор ярим ҳимоячи Хави Симонс билан хайрлашмоқчи эмас.
Нидерландия ўсмирлар терма жамоаси футболчисининг парижликлар билан шартномаси бир неча ойдан кейин якунига етади.
Le Parisien нашрининг хабарига кўра, "ПСЖ" мутасаддилари ўз ёш тоифасидаги дунёнинг энг истиқболли ўйинчиларидан бири билан шартномани узайтиришдан умидвор. Аммо футболчи ўзига асосий таркибда тақдим этилган ўйин вақтидан унчалик мамнун эмас.
Вазиятни «Барселона» кузатиб бормоқда. "Кўк-анорранглилар" Парижга кетганидан уч йил ўтиб, ўз академияси тарбияланувчисини ортга қайтаришга умид қилмоқда.
Жорий мавсумда Хави Симонс Франция чемпионатининг 4та ўйинида иштирок этди, шунингдек, Франция кубоги баҳсларида уч марта майдонга тушди.
