«Manchester Siti» himoyachisi Ruben Dias bir yarim oylik jarohatidan so‘ng mashg‘ulotlarga qaytdi.
24 yoshli portugaliyalik futbolchi 1 mart kuni Angliya kubogi 5-turidan o‘rin olgan «Piterboro»ga qarshi o‘yinda (2:0) jarohat olgan edi.
2021/22 yilgi mavsumda Dias «Manchester Siti» safida 34 ta o‘yinda maydonga tushib, 2 ta gol va 4 ta golli uzatmani amalga oshirdi.
Ertaga, 13 aprel kuni «shaharliklar» Chempionlar ligasi 1/4 finali javob o‘yinini «Atletiko»ga qarshi o‘tkazadi. Uchrashuv 00.00 (Toshkent vaqti bilan) da boshlanadi. Birinchi o‘yinda «Manchester Siti» 1:0 hisobida g‘alaba qozongan.
