«Bavariya» hujumchi Robert Levandovskini sotish haqidagi mish-mishlarni inkor etayotganiga qaramay, «Barselona» polshalik hujumchini 2022 yilning yozida sotib olishiga umid qilmoqda.
Levandovski «Barselona» bilan uch yillik shartnoma shartlari bo‘yicha kelishib olgani xabar qilingandi, ammo nemis klubi o‘sha kuniyoq futbolchi haqidagi bu xabarni rad etishga harakat qilishdi.
Insayder Janluka Di Marsioning so‘zlariga ko‘ra, «Bavariya» shartnomasi 2023 yilning yozida yakunlanadigan hujumchi uchun 70-80 million yevro so‘ramoqda. Ammo «Barselona» bu summani to‘lashga tayyor emas. Kataloniya klubi polshalik uchun ko‘pi bilan 30 milliondan yevro mablag‘ sarflamoqchi.
