«Бавария» ҳужумчи Роберт Левандовскини сотиш ҳақидаги миш-мишларни инкор этаётганига қарамай, «Барселона» польшалик ҳужумчини 2022 йилнинг ёзида сотиб олишига умид қилмоқда.

Левандовски «Барселона» билан уч йиллик шартнома шартлари бўйича келишиб олгани хабар қилинганди, аммо  немис клуби ўша куниёқ футболчи ҳақидаги бу хабарни рад этишга ҳаракат қилишди.

Инсайдер Жанлука Ди Марционинг сўзларига кўра, «Бавария» шартномаси 2023 йилнинг ёзида якунланадиган ҳужумчи учун 70-80 миллион евро сўрамоқда. Аммо «Барселона» бу суммани тўлашга тайёр эмас. Каталония клуби польшалик учун кўпи билан 30 миллиондан евро маблағ сарфламоқчи.