«Yuventus» yarim himoyachi Adriyen Rabyo bilan shartnomani uzaytirish variantini ko‘rib chiqmoqda.

Calciomercato nashri xabariga ko‘ra, Turin klubi bosh murabbiyi Massimiliano Allegri hamon futbolchi jamoaga katta foyda keltirishi mumkinligiga ishonmoqda. Biroq, ta’kidlanishicha, agar yarim himoyachi «Yuventus»da qolishga qaror qilsa, maoshini kamaytirishga rozi bo‘lishi kerak.

Joriy mavsumda futbolchi A seriyada 27ta o‘yinda maydonga tushib, 2ta golli uzatmani amalga oshirdi. Transfermarkt xabariga ko‘ra, futbolchining narxi 18 million yevroni tashkil qiladi. Uning «Yuventus» bilan shartnomasi 2023 yilda yakuniga yetadi.