Payshanba oqshomida Frankfurtning «Ayntraxt» klubi Yevropa Ligasi yarim finali yo‘llanmasi uchun afsonaviy «Kamp Nou»da «Barselona»ga qarshi maydonga tushadi.
Garchi «Barselona» mehmon sektori uchun bor-yo‘g‘i besh ming chipta ajratgan bo‘lsa-da, nemis klubi o‘zlari bilan minglab muxlislarni olib kelishga tayyor. Manbaga ko‘ra, Germaniyadan taxminan o‘ttiz mingta muxlis kelishi kutilmoqda va ularning hammasi stadiondan o‘z sevimli jamoasini qo‘llab-quvvatlash niyatida, deb xabar beradi ITASportPress!
Qizig‘i shundaki, 1:1 hisobida yakunlangan birinchi o‘yinda «Ayntraxt» uy stadioni «Doyche bank Park» salkam 52 ming muxlis qabul qilsa-da, chipta sotib olish uchun 250 mingdan ortiq ariza kelib tushgan.
