Пайшанба оқшомида Франкфуртнинг «Айнтрахт» клуби Европа Лигаси ярим финали йўлланмаси учун афсонавий «Камп Ноу»да «Барселона»га қарши майдонга тушади.
Гарчи «Барселона» меҳмон сектори учун бор-йўғи беш минг чипта ажратган бўлса-да, немис клуби ўзлари билан минглаб мухлисларни олиб келишга тайёр. Манбага кўра, Германиядан тахминан ўттиз мингта мухлис келиши кутилмоқда ва уларнинг ҳаммаси стадиондан ўз севимли жамоасини қўллаб-қувватлаш ниятида, деб хабар беради ITASportPress!
Қизиғи шундаки, 1:1 ҳисобида якунланган биринчи ўйинда «Айнтрахт» уй стадиони «Дойче банк Парк» салкам 52 минг мухлис қабул қилса-да, чипта сотиб олиш учун 250 мингдан ортиқ ариза келиб тушган.
