O‘zbekiston kubogi musobaqasining guruh bosqichi 2-turidan o‘rin olgan "Neftchi" - "Qizilqum" (0:1) uchrashuvidan so‘ng mezbonlar bosh murabbiyi Ilhom Mo‘minjonov matbuot anjumanida ishtirok etdi.
Bugungi o‘yinda juda ko‘plab xavfli vaziyatlarni yaratdik, yigitlarimiz ham yaxshi harakat qilishdi, ammo, gol urmasang, yutuq bo‘lmaydi. Qo‘pol hatolar evaziga bugun mag‘lub bo‘ldik.Bundan keyin kubok o‘yinlaridagi yurishimiz ancha mushkul bo‘ladi. Endi musobaqaning navbatdagi bosqichiga chiqishimiz uchun faqat g‘alaba qozonishimiz zarur.
Yetakchi futbolchimiz Lutfulla To‘rayevning jarohati bor. Lekin, hozirda uning pozisiyasida Abror Ismoilov bilan Sirojiddin Qo‘ziyev yaxshi o‘yin namoyish etyapti, deb o‘ylayman. Maydon markazida ishonch bilan harakatlansak, hujumda biroz oqsayapmiz va ko‘p hollarda hatolikka yo‘l qo‘yyapmiz. Futbolda esa kam hato qilgan jamoa yutadi.
Keyingi tur bahslarida asta-sekin yaxshi natijalarga erishib, chempionatimizdagi o‘yinlarda g‘alaba qozonishimiz kerak,-deydi bosh murabbiy.
