Gabriel Agbonlaxorning fikricha, «Liverpul» Muhammad Saloh tufayli qiyinchiliklarga duch keladi.
«Liverpul» katta muammoga duch keladi. Eshitishimcha, Saloh haftasiga 400 ming funt maosh oladigan shartnoma imzolashga yaqin turibdi.
Muammo shundaki, Mane ham shuni xohlaydi, van Deyk yaqinda tuzilgan shartnoma shartlarini muhokama qilmoqchi va shuning uchun «Liverpul» Salohga bunday katta shartnoma berishdan qo‘rqadi.
Klub maosh chegarasidan o‘tib ketsa, qolganlar ham o‘z maoshlarini ko‘tarilishini xohlay boshlaydi. Saloh 400 ming olsa, Mane 350 ming so‘raydi. Shundan so‘ng, «Liverpul» o‘ylaydi: «Bizda Diasdek yaxshi o‘yinchi bor ekan, unga shuncha pul berish arziydimi?»
Bularning barchasi «Liverpul»ga qimmatga tushadi, bu, albatta, katta muammo keltirib chiqaradi. Ammo, shu bilan birga bu qiziqarli bo‘ladi”, - dedi sobiq «Aston Villa» hujumchisi.
