«Udineze» va Argentina terma jamoasi himoyachisi Nauel Molinaga «Atletiko Madrid» va «Yuventus» qiziqish bildirmoqda, deb xabar beradi TuttoMercatoWeb.
Madrid klubi vakillari kelasi haftaga Molina agentlari bilan uchrashuv tayinlashdi. Tez orada transfer ustida ishlashni boshlashga umid qilmoqdalar. «Udineze» futbolchini 25-30 million yevroga sotishga tayyor. «Yuventus» ham himoyaning o‘ng qanotini kuchaytirishdan manfaatdor. Ammo Turin klubi hali taklif bilan chiqishmagan.
24 yoshli himoyachi joriy mavsumda «Udineze» safida A seriyaning 28 ta o‘yinida maydonga tushib, 6 ta gol va 3 ta golli uzatmani amalga oshirdi.
