«Liverpul» bosh murabbiyi Yurgen Klopp jamoasining Chempionlar ligasi yarim finaliga chiqqani haqida fikr bildirdi.
“Yarim finalga chiqqanimdan juda xursandman. Taqvimimiz juda band bo‘lgani uchun asosiy tarkibda juda ko‘p o‘zgarishlar qildim.
Bugun «Benfika» durangga haqli edi, lekin baribir xursandman. Biz ishtirok etayotgan har bir musobaqada g‘alaba qozonish haqida o‘ylayapmiz, ammo endi bor e’tiborimiz Angliya kubogi doirasida «Manchester Siti»ga qarshi bo‘lib o‘tadigan o‘yinga qaratilgan. Biz kubok doirasida dunyoning eng yaxshi jamoalaridan biriga qarshi to‘qnash kelamiz” - dedi Klopp o‘yindan keyingi intervyusida.
