«Ливерпуль» бош мураббийи Юрген Клопп жамоасининг Чемпионлар лигаси ярим финалига чиққани ҳақида фикр билдирди.
“Ярим финалга чиққанимдан жуда хурсандман. Тақвимимиз жуда банд бўлгани учун асосий таркибда жуда кўп ўзгаришлар қилдим.
Бугун «Бенфика» дурангга ҳақли эди, лекин барибир хурсандман. Биз иштирок этаётган ҳар бир мусобақада ғалаба қозониш ҳақида ўйлаяпмиз, аммо энди бор эътиборимиз Англия кубоги доирасида «Манчестер Сити»га қарши бўлиб ўтадиган ўйинга қаратилган. Биз кубок доирасида дунёнинг энг яхши жамоаларидан бирига қарши тўқнаш келамиз” - деди Клопп ўйиндан кейинги интервьюсида.
