«Barselona» hujumchi Lyuk De Yongning ijara muddatini yana bir yilga uzaytirishga qaror qildi.

Futbolchi o‘tgan yozda «Sevilya»dan ijara asosida Kataloniya klubiga o‘tgan edi. Xavi «Barselona» bosh murabbiyi bo‘lganidan so‘ng, De Yong asosiy tarkibdan tushib qoldi, ammo so‘nggi o‘yinlarda u ajoyib o‘yinlar namoyish etmoqda. O‘rtacha hisobda De Yong «Barselona» safida har 96 daqiqada 1 ta gol urdi. Bu zaxira futbolchisi uchun ajoyib raqamlar.

Uning so‘nggi paytlardagi ajoyib o‘yinini hisobga olib, «Barselona» Lyukni ijarasini yana bir yilga uzaytirishga qaror qildi, deb xabar beradi Diario SPORT.

Oldinroq futbolchiga Madridning «Atletiko» klubi ham qiziqish bildirayotgani haqida xabarlar tarqalgan edi.