"Buxoro" jamoasi bosh murabbiyi Hakim Fuzaylov O‘zbekiston kubogi guruh bosqichi 2-turidan o‘rin olgan "Metallurg"ga qarshi o‘yindan so‘ng (1:1) o‘z fikrlarini bildirib o‘tdi.

"Kubog o‘yinlari ham shiddatli, murosasiz o‘tyapti. Bekobodliklar birinchi turda mag‘lubiyatga ushrashgan edi, biz ham. Umuman olganda xozircha maydonda kuzatgan o‘yin haqida gapirsam, hozircha hammasi joyida. Bunaqa issiq havoda futbolchilarim yomon ko‘rinishmadi, raqibdan ko‘ra to‘pni o‘zlarida yaxshi saqlab qolishdi. Qolganini videoda yozib olingan tasvirlarni ko‘rib umumiy xulosa qilamiz. Bugungi o‘yinda o‘yin amaliyoti kam bo‘lgan futbolchilardan foydalandik. Endi ertangi raqiblarning natijalarini kuzatamiz."