"Бухоро" жамоаси бош мураббийи Ҳаким Фузайлов Ўзбекистон кубоги гуруҳ босқичи 2-туридан ўрин олган "Металлург"га қарши ўйиндан сўнг (1:1) ўз фикрларини билдириб ўтди.
"Кубог ўйинлари ҳам шиддатли, муросасиз ўтяпти. Бекободликлар биринчи турда мағлубиятга ушрашган эди, биз ҳам. Умуман олганда хозирча майдонда кузатган ўйин ҳақида гапирсам, ҳозирча ҳаммаси жойида. Бунақа иссиқ ҳавода футболчиларим ёмон кўринишмади, рақибдан кўра тўпни ўзларида яхши сақлаб қолишди. Қолганини видеода ёзиб олинган тасвирларни кўриб умумий хулоса қиламиз. Бугунги ўйинда ўйин амалиёти кам бўлган футболчилардан фойдаландик. Энди эртанги рақибларнинг натижаларини кузатамиз."